Այսօր ԱԺ-ում Քննիչ հանձնաժողովի և առհասարակ պատգամավորների աշխատանքի վերաբերյալ քննարկման հրավերին արձագանքել է ԲԴԽ նախկին նախագահ Ռուբեն Վարդազարյանը։

ԱԺ «Հայաստան» խմբակցության պատգամավոր Արամ Վարդևանյանը հայտարարեց, որ քննարկմանը հրավիրվել են ԲԴԽ անդամ՝փաստացի նախագահի պարտականությունները կատարող Գագիկ Ջհանգիրյանին, արդարադատության նախարար Կարեն Անդրեասյանին։

«Այս երկու պաշտոնյաները, ովքեր քննիչ հանձնաժողովի գործունեության առարկայի տեսանկյունից առանցքային նշանակության տեղեկություններ պետք է տրամադրեն՝ մերժել են այդ հրավերը»,- ասաց ընդդիմադիր պատգամավորն՝ ընդգծելով, որ այն ԱԺ կանոնակարգի տեսանկյունից էլ է խնդիրներ առաջացնում և հատուկ նշեց, որ ի տարբերություն մյուսների պարոն Վարդազարյանը ներկայացել է։

Քննարկման ֆորմատը Վարդևանյանն այսպես ներկայացրեց, որ նախ ինքը մի քանի հարց կտա Ռուբեն Վարդազարյանին քննիչ հանձնաժողովի վերաբերյալ, այնուհետև պատգամավորները, այդ թվում և իրավաբան պատգամավորները ևս հարցեր կուղղեն։

Արամ Վարդևանյանը վստահեցրեց, որ քաղաքական բնույթի հարցեր չեն ուղղելու, այլ իրավական՝ մասնագիտական հանրույթի հետ քննարկված։

ԲԴԽ նախկին նախագահ Ռուբեն Վարդազարյանն ասաց, որ իր համար ընդունելի է ձևաչափը։

«Խնդրում եմ պատգամավորներին, ովքեր հարցեր են տալու քաղաքական բնույթի հարցրեր չտան»,- ասաց Ռուբեն Վարդազարյանը։

Մանրամասները՝ տեսանյութում։