Քրեական գործ են հարուցել
Ռուսաստանի բասկետբոլի ֆեդերացիայի նկատմամբ քրեական գործ է հարուցվել: Այդ մասին տեղեկացրել է ՌԲՖ-ի աշխատակազմի ղեկավար Կարեն Պողոսյանը: Ֆեդերացիան մեղադրվում է բասկետբոլային ակումբներին ֆինանսական մեծ վնասներ հասցնելու մեջ:
Ինչպես տեղեկացրել է Կարեն Պողոսյանը, ֆեդերացիայում կատարված ֆինանսական ստուգումներըը ցույց են տվել, որ ակումբներից մեկը խոշոր գումար է փոխանցել ՌԲՖ-ի հաշվին` «Բասկետբոլի մոլորակ» ամսագիր տպագրելու համար, սակայն այն վերափոխանցվել է բոլորովին մեկ այլ կազմակերպության հաշվին: Մանկապատանեկան բասկետբոլի զարգացման համար տրամադրված գումարները ընդհանրապես չեն հասել հասցեատիրոջը:
Ի դեպ, ՌԲՖ-ի նախագահ Սերգեյ Չեռնովը դեռեւս նոյեմբերի 12-ին հրաժարական էր տվել գործադիր կոմիտեի ժամանակ: Իսկ ահա երկու ակումբներ նույն օրը դատական գործ էին հարուցել հենց ՌԲՖ-ի հանդեպ:
