A
A
Կմասնակցի աշխարհի առաջնությանը
Նոյեմբերի 16-18-ը Մոսկվայում կանցկացվի կայծակնային շախմատի աշխարհի առաջնությունը, որին կմասնակցեն 20 շախմատիստներ, այդ թվում մեր գրոսմայստեր Լեւոն Արոնյանը եւ Սլովակիան ներկայացնող մեր հայրենակից Սերգեյ Մովսիսյանը:
Մրցաշարը կկազմակերպվի շրջանաձեւ մրցակարգով: Առաջին երկու օրը մասնակիցները կանցկացնեն 14-ական պարտիա, իսկ վերջին օրը` 10 պարտիա:
Ի դեպ, առաջնության մասնակից, ադրբեջանցի Ռաուֆ Մամեդովը մրցաշարից առաջ տված հարցազրույցում հայտարարել է, որ չէր ցանկանա խաղալ Լեւոն Արոնյանի հետ:
«Արոնյանին ես վաղուց եմ ճանաչում: Նրա հետ խաղացել եմ դեռ պատանեկան տարիներին: Այս առաջնությունում բոլորից շատ ցանկանում եմ հանդիպել Մագնուս Կառլսենի հետ, որը վերջին տարիներին բավականին առաջադիմել է եւ, բնականաբար, համարվում է մրցաշարի ֆավորիտը»,-ասել է նա:
