A
A
Եռիշխանություն
Միխայիլ Տալի հուշամրցաշարի 7-րդ տուրից հետո աղյուսակում արդեն եռիշխանություն է տիրում:
Մեր գրոսմայստեր Լեւոն Արոնյանը չնայած զինվոր կորցրեց ԱՄՆ-ի ներկայացուցիչ Հիկարու Նակամուրայի հետ խաղում, սակայն կարողացավ հակախաղ կազմակերպել եւ 60-րդ քայլին մրցակցին ստիպեց խաղաղ դաշն կնքել:
Ոչ-ոքի ավարտվեցին նաեւ Վլադիմիր Կրամնիկ - Շահրիյար Մամեդյարով, Պավել Էլյանով - Սերգեյ Կարյակին, Ալեքսանդր Գրիշչուկ - Ալեքսեյ Շիրով պարտիաները, իսկ ահա Վան Հաոն հաղթեց Բորիս Գելֆանդին:
Այդպիսով, 7 տուրից հետո 4,5-ական միավոր են վաստակել Լեւոն Արոնյանը, Շահրիյար Մամեդյարովը եւ Վան Հաոն: Նրանցից կես միավորով ետ են մնում Հիկարու Նակամուրան, Սերգեյ Կարյակինը եւ Ալեքսանդր Գրիշչուկը:
8-րդ տուրում կենտրոնական կլինեն Արոնյան - Գրիշչուկ, Մամեդյարով - Վան Հաո պարտիաները:
