A
A
Հենրիխ Մխիթարյանը մարզվում է թիմի հետ
Հայաստանի հավաքականի կիսապաշտպան Հենրիխ Մխիթարյանը երկարատեւ ընդմիջումից հետո առաջին մարզումն է անցկացրել թիմի կազմում: Նրա ներկայությունը զարմացրել է լրագրողներին, քանի որ Դոնեցկի «Շախտյորի» գլխավոր մարզիչ Միրչա Լուչեսկուն հայտարարել էր, որ հայ ֆուտբոլիստը այս տարի չի մասնակցի թիմի խաղերին:
«Նա չնայած լավ վիճակում չի գտնվում, սակայն մարզվում է ընդհանուր խմբում, որպեսզի իրեն օտար չզգա թիմում» - «Շախտյորի» բաց մարզումից հետո հայտարարել է ռումինացի մասնագետը:
Ըստ վերջին տվյալների, Հենրիխ Մխիթարյանը ոչ թե մեջքի հետ կապված խնդիրներ ունի, այլ պարզապես ուժեղ մրսել է, որի պատճառով վիրուս է ձեռք բերել, ինչն էլ առողջության հետ կապված բարդություններ է առաջացրել:
