A
A
Չեմպիոնը որոշվեց լրացուցիչ ցուցանիշով
Այսօր Երեւանի ֆիզիկական կուլտուրայի հայկական պետական ինստիտուտի մարզադահլիճում ավարտվեց Հայաստանի մինչև 16 տարեկան հանդբոլիստուհիների առաջնությունը: Այդ մասին տեղեկացնում է Հայաստանի հանդբոլի ֆեդերացիայի մամուլի ծառայությունը:
Չեմպիոնի կոչումը նվաճեց Շենգավիթի հավաքականը, որը միայն գոլերի հարաբերությամբ առաջ անցավ ՀՄԴ-ից (հանդբոլի մասնագիտացված դպրոց): Երկու թիմերն էլ հաղթել էին մյուս երկու մրցակիցներին` Արցախի եւ Վանաձորի թիմերին, իսկ իրար հետ կայացած խաղն ավարտել էին ոչ-ոքի` 16:16: Մրցանակային տեղեր գրաված թիմերին հանձնվեցին համապատասխան պատվոգրեր եւ մեդալներ:
Հայաստանի մինչև 16 տարեկան հանդբոլիստների առաջնությունը, որին մասնակցում են 6 թիմեր, կավարտվի նոյեմբերի 10-ին:
