Արոնյանը հանկարծակիի բերեց Կրամնիկին
Հայաստանի գրոսմայստեր Լեւոն Արոնյանը այսօր Մոսկվայում մեկնարկած Միխայիլ Տալի հուշամրցաշարի առաջին տուրում գեղեցիկ ոճով հաղթեց Վլադիմիր Կրամնիկին:
Սեւերով հանդես եկող աշխարհի նախկին չեմպիոնը շատ ակտիվ սկսեց եւ անցողիկ զինվոր ստացավ: Սակայն Արոնյանը վստահ պաշտպանվեց, ապա անցավ հակագրոհի: Արդյունքում, 41-րդ քայլին Վլադիմիր Կրամնիկը հանձնվեց, քանի որ այլեւս հնարավոր չէր կանգնեցնել Լեւոն Արոնյանի անցողիկ զինվորի առաջխաղացումը:
Հարկ է նշել, որ հուշամրցաշարի առաջին տուրը բավական արդյունավետ ստացվեց: Հաղթանակներ տարան նաեւ ռուսաստանցիներ Ալեքսանդր Գրիշչուկը եւ Սերգեյ Կարյակինը, չինացի Վան Հաոն: Ոչ-ոքի ավարտվեց միայն Շահրիյար Մամեդյարով - Հիկարու Նակամուրա հանդիպումը:
Հավելենք, որ վաղը կայանալիք 2-րդ տուրում Լեւոն Արոնյանը սեւերով կմրցի Վան Հաոյի հետ:
