A
A
Հայ մարզիկը` աշխարհի չեմպիոն
Նոյեմբերի 4-ից 8-ը Ուզբեկստանի մայրաքաղաք Տաշքենդում անց է կացվում Սամբոյի աշխարհի առաջնությանը: Մրցումների առաջին օրը` նոյեմբերի 5-ին մրցագորգ դուրս եկած հայ սամբիստներից Ռուզաննա Սարգսյանը /48կգ/, Տիգրան Կիրակոսյանը /52կգ/ և Արտակ Ծատինյանը /90կգ/ զբաղեցրեցին 5-րդ հորիզոնականը, իսկ 74 կգ քաշային կարգում հանդես եկող, Սամբոյի և ձյուդոյի օլիմպիական մանկապատանեկան մարզադպրոցի ԼՂՀ մասնաճյուղի սան Աշոտ Դանիելյանը, հաղթելով բոլոր գոտեմարտերը. նվաճեց ոսկե մեդալ և հռչակվեց մարզական սամբոյի աշխարհի չեմպիոն:
Հիշեցնենք, որ ստեփանակերտցի մարզիկը այս տարվա գարնանը Մինսկում նվաճել էր նաև մարտական սամբոյի Եվրոպայի չեմպիոնի տիտղոսը:
Վաղը կկայանան մարզական սամբոյի մյուս քաշային կարգերի, իսկ նոյեմբերի 7-ին` մարտական սամբոյի մրցամարտերը:
