Ցրտելու է. ՀՀ շրջանների զգալի մասում սպասվում է անձրև ու ամպրոպ

ՀՀ ԱԻՆ օդերևութաբանական ծառայությունից հայտնում են, որ հանրապետության տարածքում հոկտեմբերի 17-ի ցերեկը, 21-22-ը սպասվում է առանց տեղումների եղանակ։ Հոկտեմբերի 18-ի գիշերը, 20-ին առանձին շրջաններում, 18-ի ցերեկը, 19-ին շրջանների զգալի մասում սպասվում է անձրև և ամպրոպ:

Քամին՝ հարավ-արևմտյան՝ 5-10 մ/վ:

Օդի ջերմաստիճանը հոկտեմբերի 18-20-ի ցերեկն աստիճանաբար կնվազի 5-7 աստիճանով:

Երևան քաղաքում հոկտեմբերի 17-ի ցերեկը, 18-ի գիշերը, 20-22-ի ցերեկը սպասվում է առանց տեղումների եղանակ։ Հոկտեմբերի 18-ին կեսօրից հետո, 19-ին, 20-ի գիշերը սպասվում է անձրև և ամպրոպ: