A
A
Հայաստանը կմասնակցի մարմնամարզության աշխարհի առաջնություններին
Աջակցիր «Ա1+»-ինՀայաստանի մարմնամարզիկները կմասնակցեն Ճապոնիայի Կիտակյուշու քաղաքում հոկտեմբերի 18–ին մեկնարկող սպորտային մարմնամարզության աշխարհի 50-րդ հոբելյանական առաջնությանը։ Այդ մասին տեղեկացնում է Հայաստանի ազգային օլիմպիական կոմիտեի պաշտոնական կայքը։
Հարություն Մերդինյանը և Գագիկ Խաչիկյանը հանդես կգան նժույգթափերում, իսկ Վահագն Դավթյանը՝ օղակների վրա: Ճապոնիա են մեկնել նաև մեր տղամարդկանց հավաքականի գլխավոր մարզիչ Հակոբ Սերոբյանը, որն ընդգրկված է առաջնության մրցավարական հանձնախմբում, և ավագ մարզիչ Հայկ Նազարյանը։
Իսկ ահա հոկտեմբերի 27-ին նույն քաղաքում կմեկնարկի գեղարվեստական մարմնամարզության աշխարհի առաջնությունը։ Հայաստանից կմասնակցի 19–ամյա Սիլվա Սարգսյանը:
