«Սպարտակը» երկարատև դադարից հետո կրկին բեմում է (տեսանյութ)
Աջակցիր «Ա1+»-ինԵրկարատև դադարից հետո Ալեքսանդր Սպենդիարյանի անվան օպերայի և բալետի ազգային ակադեմիական թատրոնում կներկայացվի Արամ Խաչատրյանի «Սպարտակ» բալետը, որը վերականգնվել ու վերադարձել է թատրոնի խաղացանկ։
«Ժամանակը սուղ էր, սակայն արտիստներն այնքան ոգեւորված էին, որ փորձեցին անել անհնարինը։ Սա մեզ համար անչափ կարևոր է։ Կարելի է ասել՝ վերածնունդ»,- «Ա1+»--ի հետ զրույցում ասաց ՀՀ վաստակավոր արտիստ Ռուբեն Մուրադյանը։
«Սպարտակ» բալետը Յուրի Գրիգորովիչի բեմադրությամբ Ալեքսանդր Սպենդիարյանի անվան օպերայի և բալետի ազգային ակադեմիական թատրոնում իրականացվեց 2009-ին և դարձավ իրադարձություն։ Սպարտակին մարմնավորեց այդ ժամանակ արդեն բալետի առաջատար մենակատար Ռուբեն Մուրադյանը, որին, ի դեպ, Գրիգորովիչը հրավիրեց Մեծ թատրոն և ԱՄՆ հյուրախաղերի։
Ներկայացման մեջ ներգրավված է ողջ կազմը, նաև խորեոգրաֆիկ ուսումնարանի սաները։
«Սպարտակի» պրեմիերան կկայանա վաղը՝ հոկտեմբերի 13-ին։
Մոտակա ներկայացումները ՝ հոկտեմբերի 15-ին և 16-ին։