Կորոնավիրուսի համավարակը դարձել է հանրապետության եթե ոչ համար մեկ, ապա գոնե առաջին հինգ կարևորագույն հարցերի մեկը։ Այս մասին այսօր ԵԽԽՎ-ում ՀՀ Ազգային ժողովի պատվիրակության հրավիրված հանդիպմանը ասաց ԱԺ փոխխոսնակ Ռուբեն Ռուբինյանը։

 «Այսօր քովիդից մահացել է 43 մարդ։ Ցավոք սրտի,  այս պահի դրությամբ, ամբողջ աշխարհի մակարդակով, դեռ չի ստեղծվել մի բան, որն ավելի  էֆեկտվ կլինի, քան պատվաստումը։ Հանրահայտ փաստ է, որ պատվաստումները 100 տոկոսով չեն պաշտպանում քովիդով վարակվելուց, սակայն ապացուցված է, որ այն էականորեն նվազեցնում է վարակվելու և  հիվանդությունը ծանր հաղթահարելու  ռիսկերը»,-նկատեց Ռուբինյանը։

Այն հարցին, թե ինչպես է ԱԺ փոխխոսնակը վերաբերում վճարովի թեստավորման կամ պատվաստման պարտադիր պայմանին, Ռուբինյան նշեց․

«Եթե թեստերը լինեն անվճար  և ըստ մարդու ցանկության, ապա համոզված եմ, որ մարդիկ ավելի քիչ հակված կլինեն պատվաստվելու։ Այստեղ խոսքը չի կարող պարտադրանքի մասին լինել, որովհետև ոչ մեկ չի պարտադրում քաղաքացուն, այլ ստեղծվում են անհարմարություններ, որոնք պիտի նսպատեն անձի գիտակցության բարձրացմանը, որպեսզի վերջինս հակված լինի  պատվաստվել կամ թեստավորվել»,-շարունակելով իր խոսքը ԱԺ տեղակալը բերեց Ֆրանսիայի օրինակը, թե ինչպես է պետությունը քաղաքացիների համար ստեղծում Է անհարմարավետություններ, որից դրդված մարդը  պիտի կա՛մ պատվաստվի, կա՛մ ներկայացնի 72 ժամ առաջվա արված թեստավորման պատասխանը։

ԱԺ պատգամավոր Նազենի Բաղդասարյանն էլ վստահեցրեց միտումնավոր են հանրային գիտակցության մեջ մտցվում կեղծ թեզեր՝ բերելով եվրոպական երկրների օրինակները․

« Այն երկրներում, որտեղ ընդդիմությունը և իշխանությունը միասնական կողմ են արտահայտվում պատվաստվելուն, այդ երկրներն ունեն  պատվաստումների բարձր ցուցանիշ։ Մինչդեռ մեզ մոտ հանրային առողջության  այս թեման, որը պետք է լինի քաղաքակական շահարկումներից դուրս՝ քաղաքականացվում է»։