Մենք այժմ նոր թիմ ենք ստեղծում․ Իսլանդիայի հավաքականի գլխավոր մարզիչ
Աջակցիր «Ա1+»-ինԻսլանդիայի ֆուտբոլի հավաքականի գլխավոր մարզիչ Արնար Պոր Վիդարսոնը աշխարհի առաջնության Հայաստանի ընտրանու հետ ընտրական խաղից առաջ հայտարարել է, որ այժմ իրեն չեն հետաքրքրում թիմի ցույց տված արդյունքները։
«Ցանկացած մարզիչ խուսափում է պարտությունից, ձգտում է հաղթանակի։ Սակայն լինում են պահեր, երբ դու չես մտածում արդյունքի մասին, քանի որ նոր թիմ ես ստեղծում։ Մենք այժմ այդ փուլում ենք գտնվում։ Աշխատում ենք աստիճանաբար ներգրավել երիտասարդ ֆուտբոլիստներին։ Դա ազդում է մեր հիմնական պլանի վրա։
Նրանք քանի դեռ հավաքականի լիարժեք անդամներ չեն, անիմաստ է խոսել լուրջ արդյունքների մասին։ Մարդիկ պետք է հասկանան, որ երեք ամսում հնարավոր չէ ստեղծել մարտունակ թիմը։ Դրա համար նվազագույնը պետք է երեք տարի», - ասել է իսլանդացիների գլխավոր մարզիչը։
Խոսելով Հայաստանի հավաքականի հետ խաղի մասին, Արնար Պոր Վիդարսոնը հույս է հայտնել, որ այդ հանդիպումը կարող է շրջադարձային դառնա Իսլանդիայի հավաքականի համար և թիմը նույնպես կմիանա աշխարհի առաջնության եզրափակիչ փուլի ուղեգրի համար պայքարին։
Հիշեցնենք, որ Իսլանդիա – Հայաստանի ընտրական հանդիպումը տեղի կունենա այսօր, ժամը 22։45-ին։
