Պանդորայի թղթեր. Ալիեւն էլ անմաս չմնաց

Ավելի քան 600 լրագրողներ 117 երկրներից մասնակցել են Հետաքննող լրագրողների միջազգային կոնսորցիումի (ICIJ) հետաքննությանը։

   Բացահայտվել են ֆինանսական մեքենայություններ, որոնցում ներգրավված են 91 երկրների 35 գործող եւ նախկին համաշխարհային առաջնորդներ, ավելի քան 330 քաղաքական գործիչներ եւ հանրային ծառայողներ։

Գաղտնի փաստաթղթերում արտացոլված են Հորդանանի թագավորի, Ադրբեջանի, Ուկրաինայի Քենիայի, Էկվադորի, նախագահների, Չեխիայի վարչապետի, Մեծ Բրիտանիայի նախկին վարչապետ Թոնի Բլեյերի գործարքները:

Մասնավորապես, Ադրբեջանի նախագահ Իլհամ Ալիեւը եւ նրա ընտանիքը,  գաղտնի կերպով Մեծ Բրիտանիայում մասնակցել են անշարժ գույքի գործարքներին, որոնց գումարը գերազանցել է 400 միլիոն ֆունտ ստերլինգը։

  «Այս բացահայտումները կարող են գլխացավանք դառնալ բրիտանական կառավարության համար, որովհետեւ Ալիեւները, ըստ երեւույթին, 31 միլիոն ֆունտ ստերլինգի շահույթ են ստացել՝ Լոնդոնի իրենց գույքերից մեկը վաճառելով Crown Estate ընկերությանը, որը պատկանում է թագավորական ընտանիքին եւ տնօրինվում է Մեծ Բրիտանիայի Գանձապետարանի կողմից», -գրում է BBC֊ն:

Հայաստանը եւս անմասն չի մնացել, արտահոսած փաստաթղթերում կան նաեւ ընկերությունների վերջնական շահառու սեփականատեր (ultimate beneficial owner, UBO) հանդիսացող հայերի անուններ, այդ թվում՝ պաշտոնյաների ու գործարարների, նրանց փոխկապակցված անձանց: Հայաստանից հետաքննությունն արել է  Հետքը:

Հոդվածն այստեղ