Հայաստանի ֆուտբոլի հավաքականն առաջին մարզումը անցկացրեց
Աջակցիր «Ա1+»-ինՀայաստանի ֆուտբոլի հավաքականն սկսեց մարզական հավաքը ՀՖՖ Տեխիկական կենտրոն/ֆուտբոլի ակադեմիայում: Ինչպես տեղեկացնում է Հայաստանի ֆուտբոլի ֆեդերացիայի մամուլի ծառայությունը, այսօր երեկոյան կայացած առաջին մարզմանը մասնակցել են միայն VBET Հայաստանի Պրեմիեր Լիգայում հանդես եկող ֆուտբոլիստները: Ահա նրանք.
Դարպասապահներ
Դավիդ Յուրչենկո - «Ալաշկերտ»
Անատոլի Այվազով - «Ուրարտու»
Ստանիսլավ Բուչնև - «Փյունիկ»
Պաշտպաններ
Ժոաո Ժորդի Արարատ Մոնրոյ - «Նոա»
Դավիթ Տերտերյան - «Արարատ-Արմենիա»
Տարոն Ոսկանյան - «Ալաշկերտ»
Հրայր Մկոյան - «Արարատ»
Ժիրայր Մարգարյան - «Արարատ»
Կիսապատշպաններ
Էրիկ Վարդանյան - «Փյունիկ»
Արտակ Գրիգորյան - «Ալաշկերտ»
Կարեն Մուրադյան - «Արարատ-Արմենիա»
Արտյոմ Ավանեսյան - «Արարատ-Արմենիա»
Ալիկ Առաքելյան - «Արարատ»
Հարձակվող
Ալեքսանդր Կարապետյան - «Նոա»
Հայաստանի ընտրանին հոկտեմբերի 4-ին կմեկնի Գերմանիայի Ֆրանկֆուրտ քաղաք, որտեղ կշարունակի նախապատրաստությունն առաջիկա հանդիպումներին: Այնտեղ մեր ընտրանուն կմիանան հավաքական հրավիրված մյուս ֆուտբոլիստները: Հաշվի առնելով Երևանից Ռեյկյավիկ թռիչքի երկարությունը՝ ՀՖՖ-ն որոշվել է մարզական հավաքը շարունակել Ֆրանկֆուրտում՝ թռիչքի տարածությունը կրճատելու, ինչպես նաև արտերկում հանդես եկող ֆուտբոլիստների ժամանումը մարզական հավաքին ավելի հեշտացնելու նպատակով: Հոկտեմբերի 6-ին մեր ընտրանին կմեկնի Իսլանդիա:
Հիշեցնենք, որ Հայաստանի հավաքականը 2022թ աշխարհի առաջնության որակավորման փուլի J խմբի շրջանակում նախ հոկտեմբերի 8-ին Ռեյկյավիկում կհանդիպի Իսլանդիայի հետ, ապա 3 օր անց Բուխարեստում կմրցի Ռումինիայի ընտրանու հետ։
