Ովքեր դարձան «Հայաստանի Հանրապետության վարչապետի գավաթ»-ակիր (տեսանյութ)
Աջակցիր «Ա1+»-ինՀայտնի են «Հայաստանի Հանրապետության վարչապետի գավաթ» խճուղային սիրողական հեծանվավազքի 1-ին մրցաշարի հաղթողները։ Մրցանակների հանձմանը ներկա էր նաեւ ՀՀ վարչապետ Նիկոլ Փաշինյանը։
Մրցաշարին մասնակցել է 350 հոգի` կանայք և տղամարդիկ, որոնք պայքարում էին ընդհանուր 15 մլն դրամ մրցանակային ֆոնդի համար։ Նրանցից 80-ը ստացավ մրցանակ։
«ՀՀ Վարչապետի գավաթ» խճուղային սիրողական հեծանվավազքի 1-ին մրցաշարը, որի գաղափարի հեղինակը վարչապետ Նիկոլ Փաշինյանն է, անցկացվում էր երկու տարիքային խմբով։
Առաջին տարիքային խումբ՝ 18-35 տարեկան կանայք, 18-40 տարեկան տղամարդիկ, և երկրորդ տարիքային խումբ՝ 36 և բարձր տարիքի կանայք, 41 և բարձր տարիքի տղամարդիկ։
1-ին տեղ զբաղեցրած մասնակիցները ստացան 1 մլն դրամ, 2-րդը՝ 600 հազար, 3-րդը՝ 400 հազար, 4-րդը՝ 150 հազար, 5-րդը՝ 100 հազար, 6-10-րդ տեղերը՝ 75 հազար, իսկ 11-20-րդ տեղերը՝ յուրաքանչյուրը 50 հազար դրամ։
«36-ից բարձր կանայք» տարիքային խմբում ՝ 1-ին տեղը գրավեց Սաթենիկ Մնացականյանը, 2-րդը` Ռուզաննա Հովասափյանը, 3-րդը՝ Արփինե Նավասարդյանը։
«41-ից բարձր տղամարդիկ» տարիքային խմբում` 1-ին տեղը զբաղեցրեց Կարեն Բարսեղյանը, 2-րդ տեղ` Արտյոմ Գալստյանը, 3-րդ տեղ` Մարկ Մարտիրոսյանը։
«18-35 տարեկան կանայք» տարիքային խմբում հաղթող ճանաչվեց Անի Ավագյանը, 2-րդը Նարե Ղարիբյանն էր,3-րդը՝ Լիլիթ Հարությունյանը։
«18-40 տարեկան տղամարդիկ» տարիքային խմբում ամենաարագը Արա Սարգսյանն էր, 2-րդ տեղը` Սերգեյ Պողոսյանը, 3-րդ տեղը գրավեց Անանիա Ոսկանյանը։