A
A
Յուրի Պատրիկեեւը լավագույնն է
ՌԴ Տամբով քաղաքում կայացած հունահռոմեական ըմբշամարտի աշխարհի չեմպիոն Եվգենի Արտյուխինի հուշամրցաշարում գերազանց հանդես եկավ Հայաստանի հավաքականի ըմբիշ Յուրի Պատրիկեեւը:
Գերծանր քաշայինների պայքարում նա հաղթեց իր բոլոր մրցակիցներին եւ գրավեց առաջին տեղը` արժանանալով ոսկի մեդալի: Նա ճանաչվեց նաեւ հուշամրցաշարի լավագույն արտասահմանցի ըմբիշ:
Նշենք, որ մրցաշարն անցկացվեց 18-րդ անգամ եւ մասնակցեցին Ռուսաստանի, Հայաստանի, Ուկրաինայի ու Ղազախստանի 160 ուժեղագույն ըմբիշները:
Մրցումների օրը օլիմպիական խաղերի եւ աշխարհի եռակի չեմպիոն, Ռուսաստանի վաստակավոր մարզիչ Մնացական Իսկանդարյանը առողջության դասեր անցկացրեց Տամբովի մի քանի դպրոցներում:
