A
A
Հռիփսիմե Խուրշուդյանը 4-րդն է աշխարհում
Հայաստանի ծանրորդուհի Հռիփսիմե Խուրշուդյանը Անթալիայում շարունակվող աշխարհի առաջնությունում զբաղեցերց 4-րդ տեղը գերծանր քաշային կարգում:
Պոկում վարժությունում նա բարձրացրեց ընդամենը 123 կգ ծանրություն եւ բավականին ետ մնաց առաջին եռյակից: Մեդալ նվաճելու համար Հռիփսիմեն հրում վարժությունում նվազագույնը պետք է 8 կգ ավելի բարձրացներ, քան իր մոտակա մրցակիցը: Սակայն դա նրան չհաջողվեց: Այդպիսով, մեր մարզուհին զբաղեցրեց 4-րդ տեղը եւ ընդամենը 2012 թ օլիմպիական խաղերի վարկանիշային միավորներ վաստակեց Հայաստանի համար:
Այս քաշային կարգում ֆանտաստտիկ արդյունքներ ցույց տվեց ռուսաստանցի Տատյանա Կաշիրինան, որը միանգամից թարմացրեց համաշխարհային երկու ռեկորդները. պոկում վարժությունում 145 կգ, երկամարտում` 315 կգ: Հենց նա էլ նվաճեց աշխարհի չեմպիոնի կոչումը:
