Հայաստանը հաղթեց Թուրքիային
Ռուսաստանի Խանտի Մանսիյսկում շարունակվող շախմատի համաշխարհային օլիմպիադայում այսօր տեղի ունեցան 3-րդ տուրի հանդիպումները:
Հայաստանի տղամարդկանց հավաքականը ջախջախեց Թուրքիայի հավաքականին` 3,5:0,5: Առաջին խաղատախտակին հանդես եկող Լեւոն Արոնյանը սեւերով հաղթեց Բորիս Էսենին, Վլաիմիր Հակոբյանն ու Արման Փաշիկյանը սպիտակներով պարտության մատնեցին համապատասխանաբար Էմրե Սանին եւ Մերթ Էրդողուին: Միայն Գաբրիել Սարգսյանը ոչ-ոքի խաղաց Մուսթաֆա Իլմազի հետ:
Մեր թիմը տարավ երրորդ անընդմեջ հաղթանակը եւ շարունակում է ընթանալ առաջատարների խմբում:
Հայաստանի կանանց հավաքականը 3-րդ տուրում հանդիպեց Մակեդոնիայի թիմի հետ: Առաջին եւ 2-րդ խաղատախտակներին հանդես եկող Էլինա Դանիելյանն ու Լիլիթ Մկրտչյանը արագ հաղթանակ տարան եւ նկատելի առավելություն ստեղծեցին: Լիլիթ Գալոյանն ու Անահիտ Խառատյանը նույնպես հաղթեցին իրենց մրցակիցներին եւ հաշիվը դարձրին 4:0:
