Հայաստանի բռնցքամարտի ֆեդերացիայի նախագահի պաշտոնին հավակնում է 4 թեկնածու
Աջակցիր «Ա1+»-ինԱպրիլի 29-ին ՀՀ ԿԳՄՍ նախարարության 9-րդ հարկի դահլիճում կկայանա Հայաստանի բռնցքամարտի ֆեդերացիայի 15-րդ հաշվետու-ընտրական համաժողովը, որի ընթացքում տեղի կունենա նաև ֆեդերացիայի նոր նախագահի ընտրությունը: Այդ մասին տեղեկացնում է Հայաստանի բռնցքամարտի ֆեդերացիայի մամուլի ծառայությունը:
Համաձայն ֆեդերացիայի գործող կանոնադրության համաժողովին իրավասու են քվեարկելու 74 հոգի, որոնք հանդիսանում են ֆեդերացիայի անդամ: Անդամագրման դիմում են ներկայացրել ևս 24 հոգի, որոնց անդամագրումը պետք է հաստատվի հենց համաժողովի ընթացքում:
ՀԲՖ նախագահի ընտրություններում առաջարդվել է 4 թեկնածու: Նրանք են Իլյա Վարովը, Իսրայել Հակոբկոխյանը, Հովհաննես Հովսեփյանը և Էդգար Կարապետյանը:
Հիշեցնենք, որ մինչ այդ ՀԲՖ նախագահի պաշտոնը զբաղեցնում էր ԱԺ նախկին պատգամավոր Արթուր Գևորգյանը, որն անցած տարի հրաժարական է տվել` պայմանով, որ նոր նախագահի ընտրությունը կկազմակերպվի ԿԳՄՍ նախարաության կողմից:
