Բացել լրահոսը Փակել լրահոսը
AAE95D01-85E8-4616-BA71-162B767C2B8E_mw1024_s_n-e1469545118439
A A
Պաշտոնական

Հայաստանի մասնագիտական ուսումնական հաստատություններում սովորում է 3979 սփյուռքահայ

ՀՀ կրթության, գիտության, մշակույթի և սպորտի նախարարությունն ամփոփել է (https://escs.am/am/news/8504) 2020-2021 ուստարում Հայաստանի մասնագիտական ուսումնական հաստատությունների սփյուռքահայ ուսանողների վերաբերյալ վիճակագրական տվյալները: 

2020-2021 ուստարվա տվյալներով՝ ՀՀ ուսումնական հաստատություններում սովորում է 3979 սփյուռքահայ 818-ը՝ պետական պատվերի, իսկ 3161-ը` վճարովի համակարգում: Սփյուռքահայ 1807 ուսանող մասնագիտական բարձրագույն կրթություն է ստանում ՀՀ պետական, 1360-ը՝ հանրապետությունում գործող միջազգային, 351-ը` ոչ պետական բուհերում, իսկ 461-ը՝ քոլեջներում: 

Ընթացիկ ուսումնական տարում Հայաստանի բուհերում և քոլեջներում սովորում է 40 երկրի սփյուռքահայ ուսանող, նրանց հիմնական մասը ժամանել է Ռուսաստանի Դաշնությունից` 1958 ուսանող, Վրաստանից՝ 995 և Սիրիայից՝ 399: 

Ինչ վերաբերում է ՀՀ պետական բուհերում սովորող սփյուռքահայ ուսանողներին, ապա նրանց մեծամասնությունն ընթացիկ ուսումնական տարում նախընտրել է կրթություն ստանալ Երևանի Մխիթար Հերացու անվան պետական բժշկական համալսարանում` 725 սովորող, Երևանի պետական համալսարանում` 198, Խաչատուր Աբովյանի անվան հայկական պետական մանկավարժական համալսարանում՝ 161: 

Սփյուռքահայերի կրթությունը Հայաստանում կազմակերպվում է բոլոր ուսումնական աստիճաններում և ուսուցման բոլոր ձևերով: 

 

ՀՀ ԿԳՄՍ ՆԱԽԱՐԱՐՈՒԹՅԱՆ ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐԻ ԵՎ ՏԵՂԵԿԱՏՎՈՒԹՅԱՆ ՎԱՐՉՈՒԹՅՈՒՆ