A
A
Հովհաննես Փափազյանը հաղթեց և մտավ բռնցքամարտի աշխարհի առաջնության քառորդ եզրափակիչ
Աջակցիր «Ա1+»-ինԼեհաստանի Կիելց քաղաքում ընթացող բռնցքամարտի աշխարհի երիտասարդական առաջնությունում այսօր Հայաստանից հանդես եկան երկու մարզիկ:
Նախ 69 կգ քաշային Նարեկ Զաքարյանը միավորներով պարտվեց մոլդովացի Վլադիսլավ Գուձին և դուրս մնաց պայքարից:
Օրվա վերջին մարտում մեր գերծանր քաշային Հովհաննես Փափազյանը մրցեց ուկրաինացի Վասիլ Տկաչուկի հետ: Անչափ դիտարժան պայքարում 5:0 հաշվով հաղթանակ տարավ մեր բռնցքամարտիկը: Հաջորդ` քառորդ եզրափակիչ փուլում, նա կհանդիպի կուբացի Ֆերնանդո Արսոլա Լոպեսի հետ:
Վաղը իրենց քառորդ եզրափակիչ մարտերը կանցկացնեն 56 կգ քաշային Ռուսլան Ասլիկյանն ու 64 կգ քաշային Էլիդա Քոչարյանը: Հաղթանակի դեպքում մեր երիտասարդ բռնցքամարտիկները նվազագույնը բրոնզե մեդալներ կապահովեն: