A
A
Ընդդիմության հանրահավաքը Բաղրամյան պողոտայում (տեսանյութ)
Աջակցիր «Ա1+»-ինՀայրենիքի փրկության շարժման երթն այսօր սկսվեց Հանրապետության նախագահի նստավայրի մոտից, ապա ընթացավ Նիկոլ Փաշինյանի կեցավայրի կողքով, որտեղ քաղաքացիները վանկարկեցին «Առանց Նիկոլ Հայաստան», «Դավաճան, հեռացի՛ր», ապա շարժվեցին առաջ:
Արտաքին գործերի նախարարության շենքի մոտ Շարժման ներկայացուցիչ Արծվիկ Մինասյանը ԱԳՆ-ի ներկայացուցիչներին կոչ արեց «սրբագրել» իսկանդերի վատ աշխատանքի, ապա Հայաստանում ռազմական հեղաշրջման փորձի վերաբերյալ Նիկոլ Փաշինյանի հայտարարությունները, որոնք հեղինակազրկում են Հայաստանը միջազգային դաշտում:
Գլխավոր դատախազության շենքի մոտ ևս երթի մասնակիցները կանգառ կատարեցին և դիմեցին Գլխավոր դատախազին ու դատախազության արժանապատիվ աշխատակիցներին՝ կատարելու իրենց սահմանադրական պարտականությունը և կառավարության աթոռը զավթած անձին ձերբակալելու ու կալանավորելու ցուցում տալ:
Երթի մասնակիցները կոչ արեցին Զինված ուժերի նախկին զինվորականներին, սպաներին ու պահեստազորայիններին գալ պայքարի հրապարակ և կանգնել Հայոց բանակի կողքին:
Երթի մասնակիցները վերադարձան Բաղրամյան պողոտա՝ Ազգային ժողովի շենքի մոտ, որտեղ ժամը 18:00-ին մեկնարկելու է հաջորդ հանրահավաքը: