A
A
Սերենա Ուիլյամսը պարտվեց Նաոմի Օսակային և դուրս մնաց թենիսի Ավստրալիայի օփենից
Աջակցիր «Ա1+»-ինԱմերիկացի թենիսիստուհի Սերենա Ուիլյամսին չհաջողվեց հաղթահարել թենիսի Ավստրալիայի բաց առաջնության կիսաեզրափակիչ փուլի արգելքը և դուրս մնաց պայքարից:
Նաոմի Օսակայի հետ հանդիպումը տևեց 1 ժամ 16 րոպե: Ճապոնացի թենիսիստուհին աչքի ընկավ մատուցումների դիպուկությամբ և դրանք ընդունելու հմտությամբ: Արդյունքում՝ նա հաղթեց երկու սեթում և ոչ մի շանս չտվեց փորձառու մրցակցին՝ 6:3, 6:4:
Սերենա Ուիլյամսը «Մեծ սաղավարտի» մրցումներում երկրորդ անգամ պարտվեց ճապոնացի թենիսիստուհուն: Նա երեխա ունենալուց հետո դեռևս չի կարողանում հաղթանակ տանել խոշոր մրցաշարերում:
Նաոմի Օսական եզրափակիչում կհանդիպի Կարոլինա Մուխովա - Ջենիֆեր Բրեյդի չեխ-ամերիկյան զույգի հաղթողի հետ:
