Բացել լրահոսը Փակել լրահոսը
a1+chess samvel
A A
Սպորտ

Հայաստանի շախմատի չեմպիոն Սամվել Տեր-Սահակյանը բարելավում է արդյունքները

Տղամարդկանց շախմատի Հայաստանի չեմպիոն Սամվել Տեր-Սահակյանը կրկին մասնակցել է ամեն շաբաթ անցկացվող կայծակնային շախմատի Titled Tuesday Blitz մրցաշարին:

Այս անգամ մեր գրոսմայստերը 11 հնարավորից վաստակել է 8,5 միավոր և զբաղեցրել 16-րդ տեղը 741 մասնակիցների մեջ: Նա ավելի բարձր դիրք կգրավեր, եթե 9-րդ տուրում անսպասելի չպարտվեր ուկրաինացի Անտոն Կորոբովին: Մրցաշարի հաղթող է ճանաչվել ադրբեջանցի Շահրիյար Մամեդյարովը, որը 1,5 միավոր ավելին էր վաստակել:

Հիշեցնենք, որ Սամվել Տեր-Սահակյանն անցած շաբաթում կայացած նույն մրցաշարում 7 միավորով զբաղեցրել էր 77-րդ տեղը: