Իրանի ռազմածովային ուժերը հրթիռային վարժանքներ են սկսել Օմանի ծոցում (տեսանյութ)
Աջակցիր «Ա1+»-ինԻրանի ռազմածովային ուժերը հրթիռային վարժանքներ են սկսել Օմանի ծոցում: Զորավարժություններն անցկացվելու են բանակի մյուս ստորաբաժանումների աջակցությամբ և կտևեն երկու օր:
Իրանը ներկայացրել է իր ռազմածովային ուժերի պատմության մեջ ամենախոշոր մարտական նավը, այդ թվում ՝ խոշորագույն «Մակրան» ուղղաթիռակիրը։ Այս մասին հայտնել Է IRNA գործակալությունը ՝ վկայակոչելով Իրանի ռազմածովային ուժերի մամուլի ծառայությունը։
«Մակրանը» (Իրանի արեւելքում տեղանքի անվանում է) իրենից ներկայացնում է առաջավոր լողացող բազա, որը նախատեսված է հեռավոր ծովային գոտում ռազմածովային ուժերի գործողությունների ապահովման համար, առաջին հերթին ՝ Հնդկական օվկիանոսի հյուսիսային մասում, Բաբ Էլ Մանդեբի նեղուցում եւ Կարմիր ծովում: Այն կարող է կրել վեց ուղղաթիռ, արագընթաց նավակներ, ծովային հատուկ ուժերի ջոկատներ։
Ինչպես հաղորդում է ՏԱՍՍ-ը, երկրորդ նավը «Զերեհ» (Զրահ) հրթիռային կորվետն է:
Չորեքշաբթի երկու նավերը պաշտոնապես կմտնեն սպառազինության մեջ եւ կմասնակցեն Օմանի ծոցում Իրանի ռազմածովային ուժերի «Էկտեդար» (Հզորություն) երկօրյա հրթիռային զորավարժություններին: Ավելի վաղ նրանք բարեհաջող ընթացքային փորձարկումներ են անցել մերձավոր եւ հեռավոր ծովային գոտիներում: Իրանի ռազմածովային ուժերի հրամանատար, դերծովակալ Հոսեյն Խանզադիի խոսքով ՝ առաջիկա տարիներին այդ դասերի այլ նավեր կգործարկվեն:
Զորավարժությունները ղեկավարելու են Իրանի ԶՈՒ գլխավոր շտաբի պետ, գեներալ-մայոր Մոհամմադ Հոսեյն Բաղերին եւ Իրանի բանակի հրամանատար, գեներալ-մայոր Աբդոլռահիմ Մուսավին: