Երեւանում այսօր ժամը 6-ից հետո ստեղծված մթնոլորտը իրական սպառնալիք է իշխանությունների համար.ՀՅԴ-ական (տեսանյութ)
Աջակցիր «Ա1+»-ինԱկցիայի մի քանի տասնյակ մասնակիցներ այս ընթացքում բերման են ենթարկվել ոստիկանական տարբեր բաժանմունքներ, կոնկրետ գտնվելու վայրը դեռ չգիտենք։ Այս մասին հայտարարեց ՀՅԴ երիտասարդական միության անդամ Քրիստինե Վարդանյանը։
Վերջինս հայտարարեց՝ ժամը 6-ից սկսած արդեն փակ էին մայրաքաղաքի մոտ տասնյակ փողոցներ․
«Պայքարը շարունակվում է, Նիկոլ Փաշինյանի րոպե ավել իր աթոռին մնալը սպառնում է մեր բոլորի գոյությանը, մեր հայրենիքի գոյությանը, մենք շարունակելու ենք նույն գործիքներով պայքարել և հասնել Նիկոլ Փաշինյանի հրաժարականին»։
Ըստ Վարդանյանի՝ Երևանում այսօր ժամը 6-ից ստեղծված մթնոլորտը իրական սպառնալիք էր իշխանությունների համար ․
«Իշխանությունը իրավիճակին չի տիրապետում և այսօր տեղի ունեցողը դրա ապացույցն էր»։
Երիտասարդական միության անդամը պնդում է՝ Նիկոլ Փաշինյանը այլընտրանք չի ունենալու, քան հեռանալը։
Ինչ վերաբերում է «Իմ քայլը» խմբակցության պատգամավորներին, Վարդանյանն ասում է՝ մենք տեսանք, որ մի շարք պատգամավորներ լքեցին խմբակցությունը կամ մանդատը վայր դրեցին․
«Ես վստահ եմ, որ «Իմ քայլը»-ում կան մարդիկ, ովքեր դեռ ուզում են ապրել Հայաստանում, ուզում են, որ իրենց ծնողներն ու երեխաները այստեղ ապրեն և վստահ եմ, որ երբ պահը գա, քվեարկելու են այդ ուղղությամբ»։
Վարդանյանը հավելեց՝ այսքանով չեն սահմանափակվելու, վաղը ևս գործողություններ են իրականացնելու, թե ինչ չմանարամասնեց։
