Ազատության հրապարակում վարչապետ Նիկոլ Փաշինյանի հրաժարականը պահանջող հանրահավաքի մասնակիցները երթով շարժվոմ են դեպի Գլխավոր դատախազություն: Դաշնակցության ներկայացուցիչ Գեղամ Մանուկյանը հայտնեց՝ Գլխավոր դատախազություն են շարժվում նրանց ներկայացնելու իրենց պահանջը․

«Գլխավոր դատախազը և Դատախազությունը պետք է տեր լինեն Սահմանադրությամբ ամրագրված իրենց իրավասություններին և ապահովեն օրինականություն՝ թույլ չտալ որևէ անօրինականություն, որևէ ռեպրեսիա և ձերբակալություն և չծառայեն Նիկոլ Փաշինյանին, որը հեռանալու է»,-նշեց Գեղամ Մանուկյանը՝ հավելելով, որ խոսք են ուղղելու նաև ՀՀ Արտաքին գործերի նախարարությանը․

«Հարգելի՛ դիվանագետներ, արտաքին ճակատի բանակը դուք եք, օրինակ վերցրե՛ք մեր բանակից, զոհվե՛ք, բայց մի՛ նահանջեք, մի՛ զիջեք»։

Մանուկյանը դիմեց նաև հավաքվածներին՝ հորոդորելով կոչ անել իրենց հարազատներին և բարեկամներին գալ և մասնակցել հանրահավաքներին՝ պարտադրելով, Նիկոլ Փաշինյանին հրաժարական ներկայացնել։

16 կուսակցությունների ներկայացուցիչները հանրահավաքին ներկայացրել են Հայաստանում ստեղծված իրավիճակի գնահատականը և հետագա գործողությունների ճանապարհային քարտեզը: 16 կուսակցության ներկայացուցիչները հանրահավաք էին հրավիրել նաև նոյեմբերի 11-ին,12-ին և 13-ին: