A
A
Մրցանակ ֆրանսահայ ռեժիսորին
Աջակցիր «Ա1+»-ինՖրանսահայ ռեժիսոր Սերժ Ավետիքյանի «Շան պատմությունը» ֆիլմը «Ոսկե արմավենու» է արժանացել Կաննի 63-րդ կինոփառատոնում` կարճամետրաժ ֆիլմերի անվանակարգում:
15 րոպե տեւողությամբ անիմացիոն ֆիլմի իրադարձությունները ծավալվում են 1910 թվականին` Օսմանյան կայսրությունում:
Իշխանության եկած երիտթուրքերը դիմում են արեւմտյան պետությունների օգնությանը` Կոնստանդնուպոլսի փողոցները 30 հազար թափառական շներից ազատելու համար:
Կառավարությունը, ի վերջո, որոշում է հրաժարվել շների ոչնչացման ավանդական եղանակից` կենդանիներին պարզապես տեղահանելով Պոլսի հարեւանությամբ գտնվող անմարդաբնակ կղզիներից մեկը, որտեղ էլ շների մեծ մասը սովից ու ծարավից սատկում է:
Քննադատներից շատերի կարծիքով` այս ֆիլմի միջոցով անուղղակի ներկայացվում է Հայոց ցեղասպանությունը:
