Վրաստանը պատրաստ է ցանկացած ձևով նպաստել տարածաշրջանում խաղաղության հաստատմանը. Վրաստանի ԱԳՆ
Աջակցիր «Ա1+»-ինՎրաստանն անհանգստացած է Ադրբեջանի եւ Հայաստանի միջեւ ռազմական բախումներից, որոնք մարդկային զոհերի են հանգեցրել: Այդ մասին ասված է Վրաստանի Արտաքին գործերի նախարարության տարածած հայտարարության մեջ:
Վրաստանը հուսով է, որ կողմերի միջև ձեռք կբերվի կրակի դադարեցման, բանակցությունների ռեժիմի անցնելու պայմանավորվածություն, և կհաջողվի խուսափել լայնածավալ ռազմական գործողություններից, որոնք խիստ բացասաբար կանդրադառնան ողջ տարածաշրջանի անվտանգության վրա, գրում է apsny.ge-ն:
Վրաստանի ԱԳՆ-ն ԵԱՀԿ Մինսկի խմբի համանախագահներին, միջազգային դերակատարներին կոչ է անում բոլոր ջանքերը գործադրել լարվածությունը դադարեցնելու և կառուցողական երկխոսության վերսկսման ապահովման համար։
«Վրաստանը պատրաստ է ցանկացած ձևով նպաստել տարածաշրջանում ապաէսկալացմանը և խաղաղության հաստատմանը»,- նշված է հայտարարությունում:
