Հենրիխ Մխիթարյանը մարզաշապիկներ է նվիրել վիրավոր զինծառայողներին. նրանք արձագանքել են
Աջակցիր «Ա1+»-ինՀայաստանի ֆուտբոլի հավաքականի ավագ Հենրիխ Մխիթարյանն ազգային թիմի իր անվանական մարզաշապիկներ է նվիրաբերել հայ-ադրբեջանական պետական սահմանագոտու հյուսիսարևելյան հատվածում հուլիսին տեղի ունեցած ռազմական գործողությունների արդյունքում վիրավորված հայ զինծառայողներին: Այդ մասին հայտնում է Հայաստանի ֆուտբոլի ֆեդերացիայի մամուլի ծառայությունը:
Հենրիխ Մխիթարյանը խոստացել է Հայաստանում գտնվելու ժամանակ անպայման հանդիպել զինվորներին և անձամբ ստորագրել մարզաշապիկները:
«Խոնարհվում եմ ձեր խիզախ կեցվածքի առջև, շնորհակալ եմ, որ անսասան կանգնած եք և պաշտպանում եք մեր հայրենիքի սահմանները», - զինծառայողներին ուղղված իր նամակում նշել է հավաքականի ավագը:
Զինծառայողներն արդեն պատասխանել են Հենրիխ Մխիթարյանին. «Շնորհակալ ենք Հենո ջան, շատ ուրախացանք քո նվերից»,- Instagram-ի իր էջում գրել է զինծառայողներից մեկը: