Իտալիայի Ա սերիա, 30-րդ տուր. Թուրինյան դերբիից մինչև «Նապոլի» - «Ռոմա» սկզբունքային հակամարտություն
Աջակցիր «Ա1+»-ինԱյսօր կմեկնարկի ֆուտբոլի Իտալիայի Ա սերիայի առաջնության հերթական՝ 30-րդ տուրը:
Այն կսկսի թուրինյան դերբիով: «Յուվենթուսը» սեփական դաշտում կընդունի «Տորինոյին»: Դաշտի տերերը 72 միավորով գլխավորում են մրցաշարային աղյուսակը և ձգտում են հաղթել բոլոր մրցակիցներին, որպեսզի մոտ չթողնեն իրենց հետապնդող Հռոմի «Լացիոյին»: Թուրինի «Ցուլերն» վերջին երկու տորերում կրած պարտություններից հետո գործնականում կորցրին եվրոգավաթային 6-րդ տեղը գրավելու շանսը և այժմ 31 միավորով ընթանում են 15-րդ հորիզոնականում:
«Լացիոն» այս տուրում մրցելու է «Միլանի» հետ, սեփական դաշտում: «Արծիվներն» ամեն ինչ անում են առաջատարից ետ չմնալու համար, քանի որ իրենց թիկունքին անմիջապես «շնչում» է Միլանի մյուս թիմը՝ «Ինտերը»: «Կարմրա-սևերը» իրենց հերթին պայքարում են Եվրոպայի լիգայի գոտի մտնելու համար: Նրանց հիմնական մրցակիցը Հռոմի «Ռոման» է, որ դեռևս 5 միավոր շատ ունի, սակայն վերջին ժամանակներին խաղային ճգնաժամի մեջ է և երկու անընդմեջ պարտություն է կրել:
Հռոմի «գայլերը», որոնցից մեկը Հայաստանի հավաքականի ավագ Հենրիխ Մխիթարյանն է, այս տուրում Նեապոլում խաղալու են «Նապոլիի» հետ: Վերջինս հաջող է վերսկսել կորոնավիրուսի պատճառով դադարեցված մրցաշարջանը՝ հաղթելով գավաթի խաղարկությունում: Նեապոլցիները չնայած Եվրոպայի լիգայի ուղեգիր են նվաճել և կարող են թուլացնել տեմպը, սակայն թիմի գլխավոր մարզիչ Ջենարո Գատուզոն երբեք չի բավարավում ձեռք բերածով և մշտապես ձգտում է հաղթանակների, առավել ևս, երբ ուժեղ և տիտղոսակիր թիմի հետ է խաղում:
Մասնագետների ուշադրության կենտրոնում կլինի նաև «Կալյարի» - «Ատալանտա» հանդիպումը, քանի որ 4-րդ հորիզոնականում գտնվող Բերգամոյի ֆուտբոլիստները հաղթել են նախորդ յոթ խաղերում և այդ արդյունքով անգամ առաջ են «Յուվենթուսից»:
30-րդ տուր
4 հուլիսի
«Յուվենթուս» - «Տորինո»
«Սասուոլո» - «Լեչե»
«Լացիո» - «Միլան»
5 հուլիսի
«Ինտեր» - «Բոլոնյա»
«Բրեշիա» - «Վերոնա»
«Կալյարի» - «Ատալանտա»
«Պարմա» - «Ֆիորենտինա»
«Սամպդորիա» - ՍՊԱԼ
«Ուդինեզե» - «Ջենոա»
«Նապոլի» - «Ռոմա»