Իտալիայի Ա սերիան կողմնորոշվեց. հայտնի են «Ռոմայի» առաջիկա խաղերի օրերը
Աջակցիր «Ա1+»-ինՖուտբոլի Ա սերիան հրապարակել է վերսկսվող առաջնության խաղացանկը: Ինչպես նշում է La Gazzetta dello Sport օրաթերթը, հունիսի 20-ին և 21-ին կկայանան 25-րդ տուրից հետաձգված չորս հանդիպումները, իսկ արդեն հունիսի 22-ին կմեկնարկի 27-րդ տուրը:
Առաջնության կազմակերպիչներն այնպիսի խաղացանկ են կազմել, որ համարյա ամեն օր հանդիպումներ են լինելու: Հռոմի «Ռոման», որտեղ վարձավճարով հանդես է գալիս Հայաստանի հավաքականի ավագ Հենրիխ Մխիթարյանը, ընդհատված մրցաշարջանը կվերսկսի հունիսի 24-ին «Սամպդորիայի» հետ տնային խաղով: Հանդիպման սկիզբը՝ ժամը 22:45-ին:
Ահա հռոմեական թիմի մնացած հանդիպումների ժամանակացույցը
28 հունիսի «Միլան» - «Ռոմա» 18:15
2 հուլիսի «Ռոմա» - «Ուդինեզե» 22:45
5 հուլիսի «Նապոլի» - «Ռոմա» 22:45
8 հուլիսի «Ռոմա» - «Պարմա» 22:45
11 հուլիսի «Բրեշիա» - «Ռոմա» 20:30
15 հուլիսի «Ռոմա» - «Վերոնա» 22:45
19 հուլիսի «Ռոմա» - «Ինտեր» 22:45
22 հուլիսի ՍՊԱԼ - «Ռոմա» 22:45
Վերջին երեք տուրերի հանդիպումների ժամանակացույցը դեռևս ճշտված չէ:
Խաղերն անցկացվելու են առանց հանդիսականների, սակայն բոլորը ցուցադրվելու են հեռուստատեսությամբ: Յուրաքանչյուր խաղին կարող են ներկա լինել 300 հոգի: Նրանց մեջ են մտնում խաղացողները, մարզիչները, մրցավարները, ակումբների ներկայացուցիչները, լրագրողները, հեռուստաընկերության և մարզադաշտի աշխատակիցները, հսկիչները, հավաքարարները, ոստիկանները: Գլխավոր պայմանը՝ կորոնավիրուսի պանդեմիայի հետ կապված անվտանգության բոլոր նորմերի պահպանումն է: