Օլիմպիական խաղերի կամավորականները օրեցօր պակասում են
Աջակցիր «Ա1+»-ինԱյս տարի Տոկիոյում նախատեսված ամառային օլիմպիական և պարալիմպիկ խաղերում պետք է աշխատեին մոտ 80 հազար կամավորականներ: Սակայն, կորոնավիրուսի պանդեմիայի պատճառով խաղերը հետաձգվել են մեկ տարով, և կամավորականներից շատերը հրաժարվել են մասնակցությունից:
Պատճառն այն է, որ նրանց գործատուները այլևս չեն պատրաստվում աշխատավարձ վճարել հարկադիր պարապուրդների ժամանակ: Կամավորականներն իրենց աշխատատեղերը չկորցնելու համար ստիպված հրաժարվել են պայմանագրերից:
Ինչպես հայտնում է Տոկիոյի խաղերի կազմկոմիտեն, իրենք ստացել են կամավորական դառնալու 200 հազար հայտ: Այժմ կազմակերպիչները նոր ցուցակներ են պատրաստում՝ պարզելու, թե քանի կամավորական է հրաժարվել աշխատանքից: Խաղերի կազմկոմիտեն չի պատրաստվում նոր մարդիկ ընդգրկել և թափուր տեղերը լրացնելու է մնացած 120 հազար կամավորականների հաշվին:
Բունկե համալսարանի դոցենտ Մասաի Նինոմիան, որը զբաղվում է կամավորականների նախապատրաստական աշխատանքներով, ասել է, որ խաղերի կազմակերպիչները պետք է մշտապես հեռավար կապ հաստատեն իրենց օգնելու ցանկություն ունեցող մարդկանց հետ, որպեսզի նրանք պահպանեն մոտիվացիան մինչև 2021 թվականի ամառը, խաղերի մեկնարկը:
