A
A
Ռուսաստանի ըմբշամարտի հավաքականի գլխավոր մարզիչը մահացել է կորոնավիրուսից
Աջակցիր «Ա1+»-ինԸմբշամարտի Ռուսաստանի կանանց հավաքականի գլխավոր մարզիչ Մագոմեդ Ալիօմարովը մահացել է մի հիվանդությունից, որն առաջացրել է կորոնավիրուսը: Այդ մասին հայտնել է Ռուսաստանի ըմբշամարտի ֆեդերացիայի նախագահ Միխաիլ Մամիաշվիլին:
«Հավատս չի գալիս: Այնքան ծրագրեր և նպատակներ ունեինք նրա հետ», - ՏԱՍՍ գործակալությունով ասել է նախագահը:
Մագոմեդ Ալիօմարովը Ռուսաստանի ըմբշամարտի կանանց հավաքականը գլխավորում էր 2019 թվականի փետրվարից: Անցած տարվա աշխարհի առաջնությունում թիմը նրա գլխավորությամբ նվաճել էր 5 մեդալ, այդ թվում 2 ոսկե, իսկ Եվրոպայի առաջնությունում՝ 9 մեդալ (4-ը ոսկե):
Ռուսաստանցի մասնագետը 67 տարեկան էր: