Շանթ Սարգսյանը հաղթել է շախմատի «Տիտղոսակիրների երեքշաբթի» մրցաշարում

Հայաստանի 18-ամյա շախմատիստ Շանթ Սարգսյանի հաղթանակով է ավարտվել «Տիտղոսակիրների երեքշաբթի» անունը առցանց շախմատի կրող մրցաշարը, որը ամեն շաբաթ կազմակերպում է chess.com կայքը:

Մեր գրոսմայստերը 9 հնարավորից վաստակել է 8,5 միավոր և միանձնյա գրավել առաջին տեղը: Նա այդ հաղթանակի համար ստացել է 750 դոլար պարգևավճար:

Շանթ Սարգսյանն իրենից ետ է թողել այնպիսի վարպետ շախմատիստների, ինչպիսիք են ամերիկացի Հիկարու Նակամուրան, հնդիկ Վիդիթ Գույրաթին, ռուսաստանցի Ալեքսանդր Գրիշչուկը: Նրանք, ինչպես նաև ևս չորս շամատիստներ, վաստակել են 8-ական միավոր և կիսել 2-8-րդ տեղերը՝ յուրաքանչյուրը վաստակելով 92-ական դոլար:

Նշենք, որ մրցաշարն անցկացվում է կայծակնային շախմատի կանոններով: