A
A
Թենիսի մրցաշրջանի դադարը երկարաձգվեց մինչև հուլիսի 13-ը
Աջակցիր «Ա1+»-ինԹենիսի կանանց ասոցիացիան (WTA) և թենիսիստների պրոֆեսիոնալ ասոցիացիան (ATP) երկարաձգել են ընթացիկ մրցաշրջանի դադարեցման ժամկետը:
Կորոնավիրուսի պանդեմիայի պատճառով այդ կազմակերպությունները հետաձգել էին մինչև հունիսի 7-ը կայանալիք բոլոր մրցաշարերը: Այն բանից հետո, երբ հանրահայտ Ուիմբլդոնի կազմակերպիչներն ընդհանրապես չեղարկեցին մրցաշարը, WTA-ն ու ATP-ն միասին որոշել են ամբողջովին բաց թողնել խոտածածկով մրցումները:
Այդպիսով, թենիսի մրցաշրջանի դադարը երկարացվել է մինչև հուլիսի 13-ը: ԱՄՆ-ի բաց առաջնության կազմակերպիչները հայտարարել են, որ մտադիր չեն չեղարկել մրցաշարը, իսկ ահա Ֆրանսիայի բաց առաջնությունը մայիս ամսից տեղափոխվել է սեպտեմբեր-հոկտեմբեր:
