Արթուր Ալեքսանյանը առաջինն է վարկանիշով, Կարապետ Չալյանը՝ երրորդը
Աջակցիր «Ա1+»-ինԸմբշամարտի միջազգային ֆեդերացիան հրապարակել է տարբեր քաշային կարգերի վարկանիշային աղյուսակների լավագույն տասնյակները: Հայաստանի ըմբիշներից դրանցում տեղ են զբաղեցրել 6 ըմբիշ:
Օլիմպիական չեմպիոն Արթուր Ալեքսանյանը 60 վարկանիշային միավորով ռուսաստանցի Մուսա Եվլոևի հետ առաջին տեղն է բաժանում հունահռոմեական ոճի 97 կգ քաշային ըմբիշների մեջ: 77 կգ քաշային Կարապետ Չալյանը զբաղեցնում է 3-րդ հորիզոնականը: Առաջին տասնյակում ընդգրկվել են նաև 60 կգ քաշային Գևորգ Ղարիբյանը (9-րդ տեղ), 63 կգ քաշային Սլավիկ Գալստյանը (8), 72 կգ քաշային Մալխաս Ամոյանը (10):
Ազատ ոճի ըմբիշներից լավագույն արդյունք ունի միայն Գրիգոր Գրիգորյանը, որը 10-րդն է 79 կգ քաշային կարգում:
Հավելենք, որ ըմբշամարտում վարկանիշային աղյուսակի արդյունքները հաշվի չեն առնում օլիմպիական խաղերի ուղեգրերի բաշխման համար, ինչպես դա արվում է ձյուդոյում և թաեքվոնդոյում:
