Հայաստանի յոթ հրաձիգներ կպայքարեն օլիմպիական ուղեգրերի համար

Հայաստանի լավագույն 16 հրաձիգներ կմասնակցեն հրաձգության Եվրոպայի 2020թ առաջնությանը, որը տեղի կունենա փետրվարի 23-ից մինչև մարտի 3-ը, Լեհաստանի Վրոցլավ քաղաքում։

Ինչպես հայտնում է Հայաստանի հրաձգության ֆեդերացիայի ֆեյսբուքյան էջը, առաջնությանը պատշաճ հանդես գալու համար մեր հավաքականը փետրվարի 9-ից նույն քաղաքում անցկացնում է ուսումնամարզական հավաք:

2020թ Եվրոպայի առաջնությունը գնդակային հրաձգության նախավերջին մրցումն է, որտեղ մարզիկները կարող են ձեռք բերել օլիմպիական ուղեգիր: Վերջին ուղեգրի խաղարկության մրցումը լինելու է մայիսին՝ Չեխիայի Պլզեն քաղաքում: Վարկանիշ կարող են ձեռք բերել միայն հրացան և ատրճանակ ձևի մեծահասակ մարզիկները:

Հայաստանի թիմից վարկանիշի համար կպայքարեն 7 մարզիկ՝ 4 մարզիկ հրացան՝ 3 մարզիկ՝ ատրճանակ ձևից: Մրցումներին յուրաքանչյուր ձևից խաղարկվելու է 2 վարկանիշ:

Հայաստանը գնդակային հրաձգություն սպորտաձևում դեռ չունի 2020թ Տոկիոյի Օլիմպիական խաղերի վարկանիշ:

ՀՀ հրաձգության հավաքական թիմ.

Հրաչիկ Բաբայան – հրացան /մեծահասակ/

Քրիստիան Լաուեր – ատրճանակ /մեծահասակ/

Իրինա Լաուեր – հրացան /մեծահասակ/

Ալլա Պողոսյան – հրացան /մեծահասակ/

Զավեն Իգիթյան – ատրճանակ /մեծահասակ/

Նորայր Առաքելյան – ատրճանակ /մեծահասակ/

Էլմիրա Կարապետյան – ատրճանակ /մեծահասակ/

Հովհաննես Մարգարյան - վազող թիրախ /մեծահասակ/

Լիլիթ Մկրտչյան - վազող թիրախ /մեծահասակ/

Արուսյակ Գրիգորյան - վազող թիրախ /մեծահասակ/

Գոհար Հարությունյան - վազող թիրախ /մեծահասակ/

Միլենա Պողոսյան – հրացան /երիտասարդ/

Հայկ Բաբայան – հրացան /երիտասարդ/

Վրեժ Թորոսյան – հրացան /երիտասարդ/