Քրիշտիանու Ռոնալդուն գոլերով շրջանցեց Գերդ Մյուլերին և մոտեցավ արքա Պելեին

Իտալական «Յուվենթուսի» հարձակվող Քրիշտիանու Ռոնալդուի խփած յուրաքանչյուր գնդակը այժմ հաշվվում է ֆուտբոլի պատմության և վիճակագրության ֆեդերացիայի կողմից:

Պարզվում է, որ պորտուգալացի ֆուտբոլիստը Իտալիայի առաջնության հերթական խաղում դառնալով երկու գոլի հեղինակ, պաշտոնական խաղերում խփած գնդակների ընդհանուր քանակով շրջանցել է հանրահայտ Գերդ Մյուլերին: Ռոնալդուի անվան դիմաց այժմ գրանցված է 722 պաշտոնական գոլ, իսկ գերմանացի ռմբարկուի անվան դիմաց՝ 720: 

Այֆ ցուցանիշով առաջին տեղը զբաղեցնում է ֆուտբոլի արքա Պելեն, որն իր կարիերայում խփել է 767 պաշտոնական գոլ: Երկրորդ տեղում բրազիլացի Ռոմարիոն է՝ 734: Գործող ֆուտբոլիստներից 700-ից ավելի գնդակ հեղինակել է նաև արգենտինացի հարձակվող Լիոնել Մեսին՝ 705:

Նշենք, որ առաջիկա փետրվարի 5-ին Քրիշտիանու Ռոնալդուն կդառնա 35 տարեկան, իսկ Լիոնել Մեսին հունիսի 24-ին կնշի իր 33-ամյակը: