Թենիս. Կարեն Խաչանովը պարտվեց, Ռուսաստանի հավաքականը դուրս մնաց պայքարից (տեսանյութ)
Աջակցիր «Ա1+»-ինԱվստրալիայում անցկացվող թենիսի ATP Cup մրցաշարում հայտնի դարձավ եզրափակիչի առաջին մասնակիցը: Այդ իրավունքը նվաճեց թենիսի Սերբիայի տղամարդկանց հավաքականը, որը կիսաեզրափակիչում ժամանակից շուտ հաղթեց Ռուսաստանի ընտրանում:
Առաջին մրցախաղում սերբ Դուշան Լայովիչը 2:0 հաշվով պարտության մատնեց Ռուսաստանը ներկայացնող հայազգի թենիսիստ Կարեն Խաչանովին՝ 7:5, 7:6: Երկրորդ մրցախաղում աշխարհի 2-րդ ռակետ Նովակ Ջոկովիչը միայն 2 ժամ 49 րոպեի ընթացքում կարողացավ կոտրել Դանիլ Մեդվեդևի դիմադրությունը՝ 6:1, 5:7, 6:4:
Այդպիսով, անկախ զուգախաղերի արդյունքից, Սերբիայի հավաքականը մտավ եզրափակիչ, որտեղ կհանդիպի Իսպանիա – Ավստրալիա կիսաեզրափակիչ մյուս զույգի հաղթողի հետ:
ATP Cup-ը թիմային նոր մրցաշար է, որն անցկացվում է առաջին անգամ: Մրցանակային հիմնադրամը կազմում է 15 մլն դոլար:
What a tie-break and what a match from ?? #TeamSerbia.@Dutzee wins 7-5 7-6 and has moved #TeamSerbia halfway towards the #ATPCup Final.#ATPCup | #SRBRUS pic.twitter.com/6PsmbxmpxY
— ATPCup (@ATPCup) 11 января 2020 г.
