Այդպիսի քայլի գնալը նշանակում է նոր Նաիրի Հունանյան ծնել․ Աշոտ Սարգսյանը՝ վերջինիս ազատ արձակելու մասին (տեսանյութ)
Աջակցիր «Ա1+»-ինԻշխանությունը ամեն ինչ անում է, Մարտի մեկի գործի բացահայտման համար, և եթե նույն ջանքը դրվի Հոկտեմբերի 27-ի գործի բացահայտման համար, այդ հույսերը կարող են արդարանալ․ կարծում է Կարեն Դեմիրճյանի իրավահաջորդի շահերի ներկայացուցիչ, փաստաբան Աշոտ Սարգսյանը։
«Կարևոր չէ, գործը կբացահայտվի թե ոչ, բայց տուժողները, իրավահաջորդները և հասարակությունը գոնե համոզված կլինեն, որ իշխանությունը ինչպես Մարտի 1-ով , այնպես էլ Հոկտեմբերի 27-ով իրենից կախված ամեն ինչ արեց։ Հնարավոր է Մարտի 1-ն կարճվի, բայց դա չի նշանակում, որ որևէ մեկը կարող է ասել որ գործի բացահայտումը , իշխանությունը գործի չի դրել»։
Անդրադառնալով Նաիրի Հունանյանի վաղաժամկետ ազատ արձակման դիմումին, Աշոտ Սարգսյանը նշեց, որ ոչ մի իշխանություն չի կարող նման քայլի գնալ և նրան ազատ արձակել․
«Այդպիսի քայլի գնալը նշանակում է՝ նոր Նաիրի Հունանյան ծնել։ Ո՞նց կարելի է պետության դեմ հանցագործին, այն էլ պարագլխի նկատմամբ նման որոշում կայացվի։ Ինքն էլ դա գիտի, նա ժողովրդի կողմից մերժված անձ է։ Նրա հետ պետք է լինի պաշտոնական հարցաքնություն, և ոչ թե մեկը քնից արթնանա և գնա հետը որոշի խոսել։ Հանցագործի հետ ի՞նչ ես զրուցում, քեզ ո՞վ է տվել լիազորություն , քեզ որևէ տուժողի իրավահաջորդ լիազորել է»։
