Փոթորիկն ու հորդառատ անձրեւները պատուհասել են Ճապոնիային. 7 մլն մարդ լքել են տները
Աջակցիր «Ա1+»-ինՓոթորիկն ու հորդառատ անձրեւները պատուհասել են Ճապոնիային։ "Հագիբիս" թայֆունը, ինչպես սպասվում էր, կարող է ամենաուժեղը լինել վերջին 60 տարվա ընթացքում ։
16 մարդ անհետ կորել է, հայտնել է «Էն-Էյչ-քեյ» պետական հեռուստաընկերությունը, ավելացնելով, որ ավելի վաղ հաղորդվել Էր հինգ զոհերի մասին:
Այս մասին տեղեկանում ենք ԲԲՍ-ից:
Ավելի քան 7 մլն մարդ հարկադրված են եղել լքել տները՝ հեղեղումների սպառնալիքի եւ սողանքների մասին նախազգուշացումների պատճառով, տեղեկություններ կան սակայն, որ ընդամենը 50 հազար մարդ է գտնվում ապաստարաններում:
Փոթորիկը Ճապոնիայի Ափ է հասել տեղական ժամանակով ժամը 7-ի սահմաններում, Տոկիոյից հարավ-արեւմուտքից եւ սկսել է շարժվել դեպի հյուսիս: Քամու արագությունը հասել է 225 կմ / ժ-ի ։
Իշխանությունները մտավախություն ունեն, որ սա կարող է դառնալ ամենահզոր թայֆունը 1958 թվականից ի վեր ։ Այն ժամանակ "Կանագավա" թայֆունը 1200 մարդու կյանք էր խլել ։ .
