Հանձնաժողովը ստեղծված է․ Առողջապահության նախարարությունը՝ Մանվել Գրիգորյանի փաստաբանի հայտարարության մասին
Աջակցիր «Ա1+»-ինԵԿՄ նախկին նախագահ Մանվել Գրիգորյանի փաստաբան Լեւոն Բաղդասարյանը նախօրեին լրագրողների հետ հանդիպմանն ասել էր, որ Առողջապահության նախարար Արսեն Թորոսյանն անգործության է մատնված՝ չհանձնարարելով ձևավորել բժշկական հանձնաժողով՝ Գրիգորյանի առողջական վիճակը գնահատելու համար:
Այս կապակցությամբ «Ա1+»-ի հետ զրույցում Առողջապահության նախարարության բժշական օգնության քաղաքական վարչության պետի ժամանակավոր պաշտոնակատար Լուսինե Քոչարյանն ասաց, որ հանձնաժողովը ստեղծված է, և ոչ ոք չի խոչընդոտում դրա աշխատանքներին։
«Միջգերատեսչական հանձնաժողով ամեն դեպքի համար չի ստեղծվում։ Մանվել Գրիգորյանի համար մենք ստացել ենք դիմում և տվել ենք փորձագետների անունները։ Նախարարությունն առաջարկում է փորձագետների թեկնածուներ, դատարանը որոշում է, թե նրանցից ում կճանաչի փորձագետ»,- ասաց նա։
