«Մարտի 1»-ի զոհերից Զաքար Հովհաննիսյանի սպանության մեջ մեղադրվող ՀՀ Ոստիկանության ներքին զորքերի հրամանատարի նախկին տեղակալ, զորքերի նախկին շտաբի պետ Գեղամ Պետրոսյանը ազատ է արձակվել հանրապետությունից չհեռանալու ստորագրությամբ։

 

Այսօր լրացել էր նրան կալանքի պահելու ժամկետը, և քանի որ  «Մարտի 1»-ի գործով քննչական խմբի ղեկավար Հրաչ Մուշեղյանը կալանքը երկարացնելու միջնորդություն չէր ներկայացրել, Պետրոսյանն օրենքի ուժով ազատ արձակվեց։

 

Այս մասին «Ա1+»-ին տեղեկացրեց նրա փաստաբան Վաղարշակ Գևորգյանը։

 

Հիշեցնենք, որ ոստիկանության զորքերի նախկին շտաբի պետին  հունիսի 6-ին մեղադրանք էր առաջադրվել   Զաքար Հովհաննիսյանի սպանության մեջ՝ Քրեական օրենսգրքի 104-րդ հոդվածի 1-ին մասով, այն է՝ «Սպանությունը՝ ապօրինաբար մեկ ուրիշին դիտավորությամբ կյանքից զրկելը, պատժվում է ազատազրկմամբ՝ ութից տասնհինգ տարի ժամկետով»:

 

Իսկ հաջորդ օրը՝ հունիսի 7-ին Երևան քաղաքի ընդհանուր իրավասության առաջին ատյանի դատարանը բավարարել էր  Հատուկ քննչական ծառայության՝ Պետրոսյանին 2 ամսով կալանավորելու միջնորդությունը։

 

Տեսանյութը՝ news.am-ի