Ինչպես իրար միս ենք ուտում,եկեք հիմա այդպես մրցակցենք.Ռալֆ Յիրիկյան
«Ժամանակն է ունենալ օրինակելի բարեգործական կազմակերպություններ, որոնք շատ ճիշտ՝ համաշխարհային ստանդարտներով, կկազմակերպեն իրենց աշխատանքները, և մենք փորձում ենք լինել այդ կազմակերպություններից մեկը», - ասում է «Օրրան» բարեգործական կազմակերպության հիմնադիր Արմինե Հովհաննիսյանը։ Երեկ մինչեւ ուշ գիշեր տեղի է ունեցել Օրրանի 14-րդ ամենամյա ընթրիքը։
Միջոցառման ընթացքում հանգանակված գումարը տրամադրվելու է «Օրրանի»՝ Երևանի և Վանաձորի կենտրոններին, որով հնարավոր կլինի հոգալ կենտրոն այցելող շուրջ 100 միայնակ տարեցների և կարիքավոր 300 երեխաների՝ սննդի, կրթական, մշակութային և սոցիալական ծառայություններ մատուցելու հարցերը:
Տեւական ժամանակ «Օրրանի» հետ համագործակցող ՎիվաՍել-ՄՏՍ-ի գլխավոր տնօրեն Ռալֆ Յիրիկյանը ներկաներին հորդորեց ակտիվորեն աջակցել կազմակերպությանը։
«Աճուրդը գումարի արժեքով չէ: Այստեղ կարևոր է, որպեսզի մենք կարողանանք դրա միջոցով հասնել այն աղքատ խավերին, այն երեխաներին, որոնք ինչ-որ ձևով հուսահատված են կյանքի հանդեպ և ապագայի հանդեպ, մենք պիտի փորձենք փոփոխություն մտցնել իրենց կյանքում»,-ասաց նա։
Ապա ավելացրեց. «Մի օր ռեստորան գնալու փոխարեն ,այս անգամ նվիրաբերեք։
Ինչպես մեր ոլորտում ենք իրար միս ուտում,եկեք հիմա այդպես մրցակցենք»։
Դեռեւս պարզ չէ, ինչքան գումար եւ խոստում է եղել այս ընթրիքի ժամանակ։
