Նախկին պատգամավորները եկել էին Քոչարյանին աջակցելու (տեսանյութ)
Աջակցիր «Ա1+»-ինՀՅԴ-ից հեռացված, նախկին պատգամավոր Աղվան Վարդանյանը եկել էր Ավան-Նոր Նորք վարչական շրջանների դատարան։ Նա ցանկացավ ներս մտնել դատական նիստերի դահլիճ, բայց ոստիկանները նշեցին, որ դահլիճում տեղ չկա։ «Եկել եմ Ռոբերտ Քոչարյանին աջակցելու»,-ասաց նա։
Այստեղ էր նախկին ՕԵԿ անդամ, նախկին պատգամավոր Գագիկ Բաղդասարյանը։ Նա էլ է աջակցում Ռոբերտ Քոչարյանին։ Նա ասաց, որ մասնակցել է հեղափոխությանը. «Բայց մերժեցինք Սերժին, հիմա կալանքի տակ հայտնվել է Ռոբերտ Քոչարյանը»։ Ըստ նրա՝ սա սիրո եւ հանդուրժողականության մթնոլորտ չէ։
Լրագրողները, ի դեպ, Գագիկ Բաղդասարյանին հիշեցրին, որ նա ժամանակին գնացել է ՔՊ գրասենյակ եւ ցանկացել ընտրացուցակում ընդգրկվել, բայց մերժվել է: Վերջինս չժխտեց, որ ինքը ցանկացել է քաղաքապետի թեկնածու առաջադրվել, բայց ՔՊ-ում ընտրել են Հայկ Մարությանին։