Բացել լրահոսը Փակել լրահոսը
974662
A A
Հասարակություն

Քոչարյանի դատից հետո այսօր բերման են ենթարկվել 3 անձինք, այդ թվում՝ TV 5 -ի սեփականատեր Արմեն Թավադյանը

Ավան և Նոր Նորք վարչական շրջանների ընդհանուր իրավասության դատարանի բակում ՀՀ երկրորդ նախագահ Ռոբերտ Քոչարյանի աջակիցների և ակտիվիստ Վարդգես Գասպարիի միջև տեղի ունեցած միջադեպի ընթացքում ոստիկանությունը բերման է ենթարկել 3 անձի:

Ոստիկանության հասարակայնության հետ կապերի և լրատվության վարչությունից հայտնել են, որ ոստիկանության բաժնում է եղել ընդհանուր հինգ քաղաքացի,նրանցից  3-ը՝ բերման ենթարկված,իսկ երկուսը հրավիրվածի կարգավիճակ են ունեցել:

Կատարվում է հետաքննություն, այլ մանրամասներ չհաղորդեցին:

Լրատվամիջոցներում շրջանառվող լուրերի համաձայն՝ բերման ենթարկվածների թվում է եղել նաև TV 5 հեռուստաալիքի սեփականատեր Արմեն Թավադյանը։