Սմբատ Մարգարյանը ոսկե մեդալակիր
Աջակցիր «Ա1+»-ինՀայ երիտասարդ ծանրորդները հաղթանակով սկսեցին Եվրոպայի անդրանիկ առաջնությունը:
Լեհական Վլադիսլավովո քաղաքում մեկնարկած ծանրամարտի Եվրոպայի երիտասարդական մինչեւ 23 տարեկաններ առաջնության առաջին իսկ օրը մեր ներկայացուցիչ Սմբատ Մարգարյանը 56 կգ քաշային կարգում նվաճեց ոսկե մեդալ:
Նա պոկում վարժությունում թեեւ ցույց տվեց 5-րդ արդյունքը (101 կգ), սակայն հրում վարժությունում իր գլխավերեւում պահելով 137 կգ ծանրաձողը' երկամարտում գրավեց առաջին տեղը (238 կգ): Մեր ծանրորդն ընդամենը մեկ կիլոգրամով առաջ անցավ մոլդովացի Գենադի Դուդոգլոյից, որը պոկում վարժությունում նվաճեց փոքր ոսկե մեդալ (109 կգ): Երրորդ տեղը զբաղեցրեց Թուրքիայի ներկայացուցիչ Գյոկհան Կիլիչը' 233 կգ:
Այսօր պայքարի մեջ կմտնեն 62 կգ քաշային ծանրորդները: Այդ մրցումներում Հայաստանը կներկայացնի Վանիկ Ավետիսյանը:
