Թող ինքը որոշի, ես սպասում եմ առաջարկներին. Հայկ Գևորգյանը՝ «Արարատցեմենտ»-ը իրեն նվիրելու մասին (տեսանյութ)
Աջակցիր «Ա1+»-ինԻմ քայլը» խմբակցության պատգամավոր Հայկ Գևորգյանը Ազգային ժողովի ճեպազրույցների ժամանակ կրկին պնդեց, որ «Արարատցեմենտը» 2002-ին օտարվել է 200 000 դոլարով:
«2002 թվականին գործարանն անցել է «Մուլտի գրուպին», իրականում 2002 թվականին գործարանը վաճառվել է 200 հազար դոլարով «Ռոբերտո» ընկերությանը, որը գրանցված է Բելգիայում, բայց դրա հիմնադիրը օվշորային ընկերություն է: Թող բարի լինեն բացահայտեն դրա իրական սեփականատերերին ու ձեր համար ամեն ինչ պարզ կդառնա»,- նկատեց պատգամավորը, ի պատասխան ԲՀԿ-ական պատգամավոր Իվետա Տոնոյանի այն հայտարարությանը, թե Հայկ Գևորգյանը ազնիվ չի եղել փաստերի տրամադրման առումով:
Հայկ Գևորգյանը անդրադարձավ նաև Գագիկ Ծառուկյանի այն հայտարարությանը, թե եթե Հայկ Գևորգյանի ասածը համապատասխանում է իրականությանը, ապա ինքը պատրաստ է նվիրել ցեմենտի գործարանը նրան:
«Թող ինքը որոշի, ես սպասում եմ առաջարկներին»,- ասաց պատգամավորը:
Ի դեպ, լրագրողները պատգամավորներից հետաքրքրվեցին նաև ԴԱՀԿ նախկին պետ Միհրան Պողոսյանի՝ Ռուսաստանից ապաստան խնդրելուն: Պատգամավոր Բաբկեն Թունյանը նկատեց՝ ցանկալի արարք չէ:
«Որպես Հայաստանի քաղաքացի այդ ամենին վատ եմ վերաբերվում: Ամենևին ցանկալի չէ, որ քո երկրի նախկին բարձրաստիճան պաշտոնյան, գեներալը, պետական գաղտնիքի կրողը ապաստան է խնդրում մյուս երկրից»: